Tert.am-ը գրում է․
Հեռուստահաղորդավարուհի և լրագրող Քսենյա Սոբչակը գնացել է «Թբիլիսիի ամենառուսատյաց բար»՝ Dedaena, բայց չի կարողացել մտնել ներս։ YouTube-ի «Ուշադրություն. Սոբչակ» ալիքում հրապարակվել է նրա զրույցի տեսագրությունը բարի սեփականատեր Դաթո Լափաուրիի հետ:
Սոբչակը հայտնել է, որ վրացական Dedaena բարի աշխատակիցները բոլոր ռուսներին խնդրում են նախքան հաստատություն մտնելը լրացնել հարցաթերթիկ, որում նրանք պետք է դատապարտեն Ուկրաինայում Ռուսաստանի հատուկ ռազմական գործողությունը։
Նաև հարցաթերթիկում ռուսներից պահանջվում է հաստատել, որ ՌԴ նախագահական ընտրություններում չեն քվեարկել երկրի ներկայիս ղեկավար Վլադիմիր Պուտինի օգտին։ Հակառակ դեպքում նրանց թույլ չեն տա մտնել հաստատություն:
Բարի մոտ հեռուստահաղորդավարուհին հանդիպել է տիրոջ հետ և վիճել նրա։
«Ճի՞շտ եք համարում ռուսներին որպես ազգ առանձնացնել առանձին կատեգորիայում: Հնարավո՞ր է ազգային պատկանելության հիմքով մարդկանց թույլ չտալ ինչ-որ տեղ գնալ», - հարցրել է տիրոջը Սոբչակը:
«Դե, ամբողջ աշխարհում ընդունված նորմ է. նորմալ է, ոմանք վիզա են ստանում, ոմանք՝ ոչ», - նրան անգլերենով պատասխանել է վրացին:
Բարի սեփականատերը հավելել է, որ Սոբչակին «ոչ մի դեպքում» թույլ չեն տա մտնել հաստատություն, քանի որ նա նախագահական ընտրություններում քվեարկել է Պուտինի օգտին։ Իր հերթին լրագրողը պարզաբանել է, որ ինքը քաղաքական գործչի օգտին քվեարկել է 2000 թվականին, երբ նա առաջադրվել է առաջին ժամկետի համար։