«Մեզ անհրաժեշտ են լավ կշռադատված քայլեր՝ Ղազախստանի զարգացման քաղաքական մոդելը վերակառուցելու համար: Առաջին հերթին, խոսքը սուպերնախագահական կառավարման ձևից ուժեղ խորհրդարանով նախագահական հանրապետությանը վերջնական անցման մասին է»,- ասել է Տոկաևն իր ուղերձում։
«Այսօր մեր երկրում բառացիորեն ամեն ինչ պտտվում է նախագահի շուրջը, և դա սխալ է, մենք պետք է աստիճանաբար հեռանանք այս պրակտիկայից: Պետության երկարաժամկետ շահն ինձ համար ավելի կարևոր է, քան իշխանության որևէ լրացուցիչ լծակ և իրավիճակային ազդեցություն», - ասել է Տոկաևը։
Նախագահը նաև հայտարարել է, որ պետության ղեկավարի հարազատներին կարգելվի բարձր պաշտոններ զբաղեցնել։
«Պետության ղեկավարը պետք է հանդես գա որպես բոլոր քաղաքացիների հավասար հնարավորությունների անսասան երաշխավոր։ Ուստի օրենսդրական արգելք կսահմանվի նախագահի մերձավոր ազգականների համար՝ զբաղեցնելու քաղաքացիական ծառայողների և քվազի-պետական հատվածի ղեկավար պաշտոններ», - հավելել է Տոկաևը:
Ղազախստանի նախագահն առաջարկել է լիազորությունների ժամկետի ընթացքում օրենսդրորեն դադարեցնել նախագահի անդամակցությունը երկրի իշխող կուսակցությանը:
Նրա խոսքով՝ ՏԻՄ ղեկավարներին և նրանց տեղակալներին պետք է օրենքով արգելվի պաշտոններ զբաղեցնել կուսակցական կառույցներում:
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print
Տպել
