Ո՞ՐՆ Է, ԲԱԲՈ, ՄԵՐ ՀԱՅՐԵՆԻՔ...
▪️ Երեկ ՀՀ պաշտպանության նորանշանակ նախարարը շատ խիստ հրամայում է անմիջապես կրակ բացել և ցանկացած միջոցով ոչնչացնել ադրբեջանցի այն զինվորականներին, որոնք "կփորձեն հատել Հայաստանի սահմանը", ինչին չի հետևում որևէ գործողություն, քայլ, գործընթաց՝ ադրբեջանական օկուպացիոն զորախմբերին Սյունիքից ու Գեղարքունիքից հետ շպրտելու ուղղությամբ։
Ստացվում է ՀՀ իշխանությունները՝ ի դեմս պաշտպանության նախարարի, "Հայաստանի սահման" ասելով առնվազն Սյունիքի և Գեղարքունիքի հատվածում հասկանում են այն շփման գիծը, որն այսօր կա, ասել է թե՝ օրինական են համարում ադրբեջանական զորախմբերի գտնվելը ՀՀ ինքնիշխան տարածքում և Սյունիքի ու Գեղարքունիքի օկուպացված հատվածները համարում են "Հայաստանի սահմանից" դուրս, այսինքն՝ ադրբեջանական։
▪️ Այսօր ՀՀ դրածո իշխանությունների ներկայացուցիչ ոմն Ղալումյան, փաստացի հանդես գալով թուրք-ադրբեջանական շահերի դիրքերից, կրկին հնչեցնում է ադրբեջանական քարոզչական թեզն այն մասին, որ "Տավուշում կան ադրբեջանական գյուղեր"՝ հնարավոր համարելով դրանց հանձնումը Ադրբեջանին։
Ստացվում է ՀՀ իշխանությունները Տավուշի հատվածում ևս ունեն "Հայաստանի սահմանի" մասին իրենց հստակ պատկերացումը, որը միանգամայն համահունչ է մեր սահմանի մասին թշնամու պատկերացումներին/ցանկություններին և կործանարար՝ մեզ ու մեր պետության համար։
Թե ինչ տարածքներ են պատրաստվում Ադրբեջանին զիջել ՀՀ իշխանությունները և ինչ հետևանքներ դա կարող է ունենալ, ներկայացրել եմ դեռ ամիսներ առաջ։ Կրկնեմ ևս մեկ անգամ՝
ՀՀ ՏԱՐԱԾՔԻ ՑԱՆԿԱՑԱԾ ՍԱՆՏԻՄԵՏՐԻ ՀԱՆՁՆՈՒՄԸ ԹՇՆԱՄՈՒՆ ԱՆԹՈՒՅԼԱՏՐԵԼԻ Է։
ՀՀ ՍԱՀՄԱՆԻ ՑԱՆԿԱՑԱԾ ՀԱՏՎԱԾԻՑ ՅՈՒՐԱՔԱՆՉՅՈՒՐ ՀԵՏՔԱՅԼ ԷԼ ԱՎԵԼԻ Է ՆՎԱԶԵՑՆՈՒՄ ՄԵՐ ՊԱՇՏՊԱՆՎԵԼՈՒ ՀՆԱՐԱՎՈՐՈՒԹՅՈՒՆՆԵՐԸ։
Իսկ որ թուրքը կանգ չի առնելու, դա պարզից էլ պարզ է։ Այսօր Երասխի հատվածում ադրբեջանցիքի կողմից սահմանային հրկիզումները դրա վառ ապացույց։
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել