News.am-ը գրում է.
«Հայաստան» դաշինքը որոշել է վերցնել պատգամավորական մանդատները։ Այս մասին NEWS.am-ի հետ զրույցում ասաց ՀՅԴ Բյուրոյի անդամ Արմեն Ռուստամյանը։
Հարցին, արդյոք բացի Ռոբերտ Քոչարյանից էլի կլինեն մանդատից հրաժարվողներ, Ռուստամյանն ասաց, որ այդ հարցին դեռևս չի կարող հստակ պատասխանել։
Նշենք, որ նախօրեին ցուցակը գլխավորող երկրորդ նախագահ Ռոբերտ Քոչարյանը հայտարարեց, որ դիմել է ԿԸՀ և հրաժարվել մանդատից, քանի որ իրեն տեսնում գործադիրում։
Ավելացնենք, որ ութերորդ գումարման Ազգային ժողովում «Հայաստան» դաշինքը կունենա 29 մանդատ։
ՀՀԿ փոխնախագահ Արմեն Աշոտյանը մեզ հետ զրույցում ասաց, որ այս պահին դաշինքը քննարկում է պատգամավորական մանդատները վերցնել-չվերցնելու հարցը։
Նշենք, որ ընտրությունների արդյունքում «Պատիվ ունեմ» դաշինքը կունենա յոթ մանդատ։
