Yerkir.am-ը գրում է.

Yerkir.am-ի տեղեկություններով՝ թշնամին երեկվանից դիրքերն առաջ է բերել նաև Վարդենիսում։

Տեղի բնակիչները հայտնում են, որ ադրբեջանցիները սարի վրա պոստերը առաջ են տվել 3 կմ, իջել են ներքև՝ դեպի Վերին Շորժա գյուղ, որտեղ գյուղացիների արոտավայրերն են, խոտհարքերը, ամբողջովին հայկական տարածք է։

«Սարի գլխի պոսերից 3 կմ իջել են ներքև, խրամատներ են փորում այս պահին Վարդենիսի շրջանում»,-մեզ հետ զրույցում ասացին վարդենիսցիները։

Ակնկալում ենք ՀՀ պաշտպանության նախարարության պաշտոնական պարզաբանումը վարդենիսցիների անվտանգությունը խաթարող այս տեղաշարժի մասին։

Աննա Բալյան

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել