«Սառը» պատերազմը չի ավարտվել։ Այն այլ ձև է ստացել։
ԱՄՆ–Ռուսաստան հակադրությունը մտել է նոր փուլ։ Ռուսաստանի դեմ օգտագործվում են տարատեսակ գործիքներ։ Արանքում օգտվում է ԱՄՆ դաշնակից Թուրքիան, տուժում են միամիտ ու պետական մտածողությունից կաղող ժողովուրդները (հայեր, ուկրաինացիներ, ղրղզներ, տաջիկներ, վրացիներ և այլն), ֆինանսապես բավարարվում են Հայաստանում, Ուկրաինայում և մյուս երկրներում առկա 5–րդ շարասյան ներկայացուցիչները։ Վերջիններս երբեմն նաև իշխանության են հասնում ու այնպիսի աղետ բերում, ինչպիսին մենք տեսանք Արցախյան այս պատերազմում։
Մեր խնդիրն այս պայմաններում պետք է լինի աշխարհի խոշորների կռվում տաշեղի դերում չհայտնվելը, թեև Նիկոլի ձեռքով մենք արդեն այդ կարգավիճակում ենք։
«Ժողովրդի» վարչապետը Թուրքիային մտցրեց Արցախ և բացում է Սյունիքի դռները՝ բավարարելով թուրք–ադրբեջանական զույգի դարավոր երազանքը։ Նիկոլը Հայաստանը դրել է աշխարհաքաղաքական հակադրությունների զոհասեղանին և սպասարկում է թուրքական շահը։
Հայ ժողովուրդը պետք է ընտրի դեն նետվող տաշեղի կամ սեփական անտառն ունենալու օգտին՝ անվտանգ, բարեկեցիկ ապագայի օգտին։
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել