Անգամ եթե բոլորին Հայաստանում բացառապես ԱստրաԶենեկայով պատվաստեն, ապա կունենանք ընդհանուր 7-13 տրոմաբագոյացման դեպք ու 1-2 մահվան դեպք

Նախ, թե ինչ է հայտնի։

1․ Միշտ գոյություն ունի անաֆիլակտիկ շոկի ռիսկ։ Սա հազվադեպ պատահող բուռն ալերգիկ ռեակցիա է, որը կարող է հանգեցնել մահվան։ Կարևոր նկատառում - սա կապված չի զուտ ԱստրաԶենեկայի հետ։ Այս ռիսկը կա ոչ միայն բոլոր պատվաստանյութերի, այլև առհասարակ բոլոր տիպի դեղերի դեպքում։ Հենց այդ պատճառով է, որ պատվաստումից առաջ հարցնում են ալերգիաների մասին և խնդրում պատվաստումից հետո մի 15 րոպե սպասել։ Դրա իմաստն այն է, որ եթե ալերգիկ ռեակցիա սկսվի, հնարավոր լինի անմիջապես պրոֆեսիոնալ օգնություն ցուցաբերել։

2․ Եվրոպական բժշկական գործակալությունը ապրիլի 7-ին իր տարածած պռեսս-ռելիզում հաստատել էր, որ հավանական է կա կապ AstraZeneca-յի պատվաստանյութի ու որոշ մարդկանց մոտ առաջացած տրոմբերի միջև։ Այդ տրոմբերն առաջանում են պատվաստմանը հաջորդող 2 շաբաթվա ընթացքում ու առավելապես 60-ից փոքր տարիքային խմբում։

3․ Նույն պռեսս-ռելիզում գործակալությունը նաև հայտնում է, որ մարտի 22-ի դրությամբ արձանագրվել է գլխուղեղի արյունատար անոթներում տրոմբագոյացման 62, մյուս անոթներում՝ 24 դեպք։ Այդ դեպքերից 18-ը հանգեցրել են մահվան։ Գործակալությունը նաև հայտնում է, որ ընդհանուր այդ պահին կիրառվել էր ԱստրաԶենեկայի 25 միլիոն դոզա։ Նա նաև նշում, որ ապրիլի 4-ի դրությամբ արձանագրվել էին համապատասխանաբար 169+53 տրոմբագոյացման դեպքեր 34 միլիոն դոզայից։

Հիմա գանք Հայաստանին։ Հայաստանի չափահաս բնակչությունը մոտ 2 միլիոն մարդ է։ Համամասնորեն սա նշանակում է, որ անգամ եթե բոլորին Հայաստանում բացառապես ԱստրաԶենեկայով պատվաստեն, ապա կունենանք ընդհանուր 7-13 տրոմաբագոյացման դեպք ու 1-2 մահվան դեպք։ Անգամ եթե տրոմբագոյացման բոլոր դեպքերը մահով ավարտվեն, կունենանք 7-13 մահվան դեպք ընդհանուր։ Կովիդից Հայաստանում ամեն օր պաշտոնապես գրանցվում է միջինում 20 մահ։

Ընդհանուր 7-13 մահ vs օրական 20 մահ։ Բայց առողջության համար վտանգավորը, պարզվում է, ԱստրաԶենեկան է։