Armenpress.am-ը գրում է․
ԵԱՀԿ գործող նախագահ, Շվեդիայի արտաքին գործերի նախարար Անն Լինդեն Վրաստան կատարած այցից հետո կմեկնի Մոլդովա: «Արմենպրես»-ի հարցին ի պատասխան այս մասին հայտնեցին ԵԱՀԿ մամուլի ծառայությունից, նշելով, որ այցի շրջանակներում չի նախատեսվում այցելություն Հայաստան և Ադրբեջան:
«ԵԱՀԿ գործող նախագահ, Շվեդիայի արտաքին գործերի նախարար Անն Լինդեն Վրաստան կայցելի փետրվարի 16-ին և փետրվարի 17-ին կմեկնի Մոլդովա` բարձրաստիճան պաշտոնյաների հետ հանդիպելու համար: Վրաստան-Մոլդովա այցի շրջանակներում այցելություններ Հայաստան և Ադրբեջան չեն նախատեսվում»,- նշել են մամուլի ծառայությունից:
2021թ. ԵԱՀԿ-ում նախագահում է Շվեդիայի Թագավորությունը: ԵԱՀԿ գործող նախագահը Շվեդիայի արտաքին գործերի նախարար Անն Լինդեն է:
Նյութի աղբյուր՝ https://armenpress.am/arm/news/1043486.html
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print
Տպել