Հերթական ձախողման հետևանքով հերթական ստորացումն ապրեցինք, մեր կողմից չլիազորված, բայց մեր անունից հանդես եկած դավաճան Նիկոլի մեղքով:
Հետաքրքիր է, որ Մոսկվայում եռակողմ հանդիպման արդյունքում ստորագրված հայտարարությունը վերաբերում էր միայն Հայաստանի համար կործանարար, իսկ Ադրբեջանի համար շահավետ ճանապարհներ ապահովելուն, այլ կերպ ասած՝ Հայաստանի տարածքով իրականացվող միջազգային փոխադրումների իրականացմանը, մինչդեռ գլխավոր հարցը՝ ռազմագերիների վերադարձման և անհետ կորածների հարցը, այդպես էլ մնաց օդում կախված կամ, ինչպես Նիկոլը խոստովանեց, լուծել չհաջողվեց:
Հ.Գ. Անձը, որին լուրջ չեն վերաբերվում մյուս կողմերը, չէր էլ կարող լուծել նոյեմբերի 9-ի հայտարարության 8-րդ կետում ամրագրված մեզ համար այդ կարևորագույն ու ավել հեշտ հարցը, էլ չենք խոսում Արցախի կարգավիճակի բարդ կարգավորում պահանջվող հարցի լուծման մասին:
Ասում էիք ֆուտբոլային դիվանագիտությո՞ւն, այո՛, ուղղակի գնդակի փոխարեն Նիկոլն է, տշում են աջուձախ, ոնց ուզում են:
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել