168․am-ը գրում է․
Աֆղանստանի հյուսիս-արևմուտքում գտնվող Հերաթ նահանգում հունվարի 2-ին ոստիկանությունը կարողացել է անվտանգ ազատել զինյալների կողմից առևանգված ավտոբուսի ուղևորներին և վարորդին: Այս մասին հայտնում է «Սինհուա» լրատվական գործակալությունը ՝ հղում կատարելով ոստիկանության պաշտոնական ներկայացուցիչ Բասիր Ռասուլիին:
Նրա խոսքով ՝ ազատ են արձակվել 15 ուղևորներ, այդ թվում ՝ չորս կին և մեկ երեխա, ինչպես նաև ծայրահեղականների կողմից առավոտյան առևանգված մեքենայի վարորդը: Ավելի վաղ տարածքային նահանգապետ ՝ Մոհամմադ Օմարզայը, տեղեկացրել էր, որ «Թալիբան» զիյալները առավոտյան առևանգել են տասնյակ ուղևորներով ավտոբուսը Հերաթ-Թուրգունդի մայրուղու Չիլդոխթարան շրջանում և տարել անհայտ ուղղությամբ: Մինչ այժմ, սակայն ոչ մի խմբավորում, ներառյալ՝ «Թալիբան» շարժումը, չի ստանձնել կատարվածի պատասխանատվությունը:
Նյութի աղբյուր՝ https://168.am/2021/01/02/1438942.html
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print
Տպել