Թշնամու խոսքը պետք է լսել ու վերլուծել, այս անգամ, սակայն, չկարողացա. առաջին անգամ չկարողացա Նիկոլին մինչև վերջ լսել

Ես միշտ մինչև վերջ հետևում եմ Ալիևի, Էրդողանի, Փաշինյանի հարցազրույցներին, ելույթներին, ասուլիսներին։ Թշնամու խոսքը պետք է լսել ու վերլուծել։ Այս անգամ, սակայն, չկարողացա։ Առաջին անգամ չկարողացա Նիկոլին մինչև վերջ լսել։ Տարբեր պատճառներով չկարողացա։ Նա միշտ է այդպես խոսում, նենգափոխում պատճառահետևանքային կապերը, ստում առանց կարմրելու, հիմարների փիլիսոփայություն հրամցնում, վիրավորում մտածող մարդկանց ինտելեկտը, բայց այս անգամ չկարողացա լսել։

Ինչքան որ կարողացա, ստացա հետևյալ տպավորությունը․ նա մենակ է, վախեցած է, չի վստահում ոչ մեկին, շարունակում է ստել, շարունակում է դեմագոգիան և ապրում է լրիվ այլ աշխարհում։

Ամենասարսափելին այն է, որ նա չի ընկալում իր արածների մասշտաբները, իր տված վնասի ամբողջ ողբերգականությունը և չի հասկանում, որ ծանր վիճակի մեջ է դրել ոչ միայն իրեն, այլ նաև իր ընտանիքին ու նեղ շրջապատին։

Պաշտպանյալն անհուսալիորեն գնում է վատագույն տարբերակով։