Վերջին 30 տարում չեմ հիշում նման զանգվածային թունավորման մեկ այլ դեպք, այն էլ` ալկոհոլից։ Իսկ գիտե՞ք, թե սա ինչի հետևանք է։ Հետևանքն է այն բանի, որ Հայաստանի իշխանության բոլոր օղակները զբաղված են Նիկոլ Փաշինյանի քաղաքական հրահանգները կատարելով և նրա գահավիժող ռեյտինգը բարձրացնելու հուսահատ փորձերով։ Սա ուղիղ հետևանքն է այն բանի, որ Հայաստանի ժողովուրդը անտեր է։ Նույնպիսի անտեր, ինչպես համավարակի տարածման օրերին էր, երբ Նիկոլը հնարավորինս արագ յուրային ՍԴ ունենալու մոլուցքով տարված հանրահավքներ անելով` աղետի գոտու վերածեց երկիրը և դարձավ 1000-ից ավելի մարդկանց մահվան պատճառ։
Իսկ այսօր, երբ աղետի մեղավորներն ու պատասխանատուները ի դեմս ՀՀ վարչապետ, նախագահ ու առողջապահության նախարար կոչվածների իրենց հանգիստն են վայելում, Հայաստանի քաղաքացիները շարունակում են զոհ գնալ երկրում հաստատված համատարած անտերությանն ու բարդակին։ Աղետը կանխելուն կոչված Շուկայի վերահսկողության ու Սննադամթերքի անվտանգության տեսչություններն էլ եկող ամիս հաստատ շռայլ պրեմիաներ կստանան, քանի որ Նիկոլի իշխանության մեջ դիլետանտիզը խրախուսվում է, իսկ մարդկային ճակատագրերը գրոշի արժեք չունեն։
