Որքա՞ն է իրականում կորոնավիրուսից մահացության մակարդակը

Med.news.am-ը գրում է․

COVID-19 կորոնավիրուսից մահացության գլոբալ մակարդակը կազմում է 3,4%: Այս մասին հայտնում են Առողջապահության համաշխարհային կազմակերպության մասնագետները: Ավելի վաղ այդ ցուցանիշը գնահատվում էր 2%-ը:

Կորոնավիրուսից մահացությունը գերազանցել է գրիպից մահացությանը՝ հայտարարել է ԱՀԿ նախագահ Թեդրոս Գեբրեյեսուսը:

«Ամբողջ աշխարհում կորոնավիրուսից մահացությունը կազմում է մոտ 3,4%: Համեմատության համար՝ սեզոնային գրիպը սովորաբար սպանում է վարակվածների առնվազն 1%-ին»,- ասել է նա:

Փորձագետների խոսքով՝ COVID-19-ն ավելի ծանր բարդություններ է առաջացնում, քան գրիպը, քանի որ մարդկանց մոտ կորոնավիրուսի նկատմամբ դեռ իմունիտետ չի ձեւավորվել:

Սակայն ոչ բոլոր մասնագետներն են համաձայն այդ գնահատականների հետ: ԱՄՆ ինֆեկցիոն հիվանդությունների եւ ալերգիայի ազգային ինստիտուտի տնօրեն Էնթոնի Ֆաուչին New England Journal of Medicine-ում իր հոդվածում գրել է, որ կորոնավիրուսից իրական մահացությունը պետք է պաշտոնականից ցածր լինի, քանի որ հիվանդության թեթեւ ընթացքի շատ դեպքեր չեն հաշվարկվում վիճակագրության մեջ: Նրա կարծիքով՝ կորոնավիրուսից մահացությունը չի գերազանցում 1%-ը:

Ամբողջական հոդվածը կարող եք կարդալ այստեղ