Բոլորի սիրելի ուտեստը, երբ ցանկանում են արագ ինչ-որ բան ուտել, իհարկե նրբերշիկն է: Եվ չնայած դրա կասկածելի բաղադրությանը, մարդիկ, միևնույնն է, գնում են այն խանութներից: Այսօր կսովորեցնենք ձեզ համեղ նրբերշիկներ պատրաստել տնային պայմանները, որոնք ձեր երեխաները նույնպես հաճույքով կուտեն:

Անհրաժեշտ բաղադրիչներն են.

  • Հավի փափկամիս – 2 հատ
  • Յուղոտ սերուցք – 2 ճ.գ.
  • Ձու – 1 հատ
  • Կարագ – 1 ճ.գ.
  • Կարմիր պղպեղ – 1 թ.գ.
  • Սև պղպեղ – 1 պտղունց
  • Աղ – ըստ ճաշակի

Պատրաստման եղանակը

1. Հավի փափկամիսը երկու անգամ աղացեք մսաղացով կամ մանրացրեք բլենդերով:

2. Խճողակի մեջ ձու ավելացրեք, սերուցք, փափկած կարագ, աղ և համեմունքներ:

3. Լավ խառնեք խճողակը և ծեծեք մոտ 2-3 րոպե:

4. Սեղանի վրա փռեք սննդային թաղանթը և հրուշակեղենի պարկի միջոցով վրան խճողակ դրեք: Խճողակը թաղանթի մի քանի շերտով փաթաթեք՝ դրան անհրաժեշտ ձևը տալով:

5. Թաղանթի ծայրերը քարկապ գցեք կամ թելով կապեք:

6. Եփեք դրանք եռացող ջրի մեջ մոտ 15 րոպե: Պատրաստ լինելուց հետո թաղանթները հանեք:

7. Նրբերշիկները կարող եք անմիջապես ուտել, կամ սառեցնել մի շաբաթվա համար և անհրաժեշտության դեպքում հանել սառցախցիկից:

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել