Իսկ դուք ելակով բուլկիներ երբևէ համտեսե՞լ եք

Խմորիչը լցնում ենք 1 բաժակ ջրի մեջ, ավելացնում ենք շաքարավազն ու 100 գ ալյուրը։ Ապա թողնում ենք սենյակային պայմաններում, որպեսզի հասունանա։

Մոտ 1 ժամ թողնելուց հետո խմորիչային զանգվածին ավելացնում ենք հալեցրած կարագը։

Այնուհետև ավելացնում ենք ձուն ու լավ խառնում ենք։

Ավելացնում ենք ալյուրը, աղն ու վանիլինը։ Ավելացնում ենք այնքան ալյուր, որպեսզի ստանանք ձեռքերին չկպչող ու փափուկ խմորագունդ։

Խմորը բաժանում ենք փոքրիկ գնդիկների։

Ելակը լավ լվանում ու բաժանում ենք 4 մասի։

Ելակի վրա լցնում ենք շաքարավազն ու օսլան։

Խմորե գնդիկները ձվաձև բացում ենք, երկու ծայրերին բացում ենք փոքրիկ անցքեր։

Կենտրոնում լցնում ենք միջուկը։

Սկզբում վրա ենք բերում խմորի մի ծայրը։

Ապա վրա ենք բերում մյուս ծայրը։

Բուլկիները դնում ենք յուղաթղթապատ ձևամանի մեջ։

Բուլկիների մակերեսը պատում ենք ձվի դեղնուցով և 30-35 րոպե թխում ենք 180 աստիճան տաքացրած ջեռոցում։

Պատրաստ լինելուց հետո թողնում ենք, որ սառչի, ապա զարդարում ենք թարմ ելակով ու մատուցում ենք։