Իսկ դուք ելակով բուլկիներ երբևէ համտեսե՞լ եք


08:42 , 6 հուլիս, 2019

Բաղադրիչներ

  • Խմորի համար՝
  • խմորիչ - 1 թ/գ
  • ջուր - 1 բաժակ
  • շաքարավազ - 1 ճ/գ
  • ալյուր
  • ձու - 2 հատ
  • կարագ - 50 գ
  • աղ - 1/2 թ/գ
  • վանիլին - ըստ ճաշակի
  • Միջուկի համար՝
  • ելակ - 1 բաժակ
  • օսլա (крахмал) - 1 ճ/գ
  • շաքարավազ - 2 ճ/գ
  • Ինչպես նաև՝
  • ձվի դեղնուց
  • բուսայուղ

Պատրաստման եղանակը

Խմորիչը լցնում ենք 1 բաժակ ջրի մեջ, ավելացնում ենք շաքարավազն ու 100 գ ալյուրը։ Ապա թողնում ենք սենյակային պայմաններում, որպեսզի հասունանա։
ելակով-բուլկիներ-3
Մոտ 1 ժամ թողնելուց հետո խմորիչային զանգվածին ավելացնում ենք հալեցրած կարագը։
ելակով-բուլկիներ-4
Այնուհետև ավելացնում ենք ձուն ու լավ խառնում ենք։
ելակով-բուլկիներ-5
Ավելացնում ենք ալյուրը, աղն ու վանիլինը։ Ավելացնում ենք այնքան ալյուր, որպեսզի ստանանք ձեռքերին չկպչող ու փափուկ խմորագունդ։
ելակով-բուլկիներ-6
Խմորը բաժանում ենք փոքրիկ գնդիկների։
ելակով-բուլկիներ-7
Ելակը լավ լվանում ու բաժանում ենք 4 մասի։
ելակով-բուլկիներ-8
Ելակի վրա լցնում ենք շաքարավազն ու օսլան։
ելակով-բուլկիներ-9
Խմորե գնդիկները ձվաձև բացում ենք, երկու ծայրերին բացում ենք փոքրիկ անցքեր։
ելակով-բուլկիներ-10
Կենտրոնում լցնում ենք միջուկը։
ելակով-բուլկիներ-11
Սկզբում վրա ենք բերում խմորի մի ծայրը։
ելակով-բուլկիներ-12
Ապա վրա ենք բերում մյուս ծայրը։
ելակով-բուլկիներ-13
Բուլկիները դնում ենք յուղաթղթապատ ձևամանի մեջ։
ելակով-բուլկիներ-14
Բուլկիների մակերեսը պատում ենք ձվի դեղնուցով և 30-35 րոպե թխում ենք 180 աստիճան տաքացրած ջեռոցում։
ելակով-բուլկիներ-15
Պատրաստ լինելուց հետո թողնում ենք, որ սառչի, ապա զարդարում ենք թարմ ելակով ու մատուցում ենք։
ելակով-բուլկիներ-16

Բարի վայելում։