ՀՀ ԱԺ պաշտպանության և անվտանգության մշտական հանձնաժողովի նախագահ Անդրանիկ Քոչարյանը, պատասխանելով այն հարցին, թե ընդհանուր քանի՞ նիստ է անցկացրել 2016 թվականի Ապրիլյան պատերազմի հանգամանքների քննիչ հանձնաժողովը, պատասխանել է. «Իր ժամանակին ամեն ինչի մասին կտեղեկացնենք»:
Հարց. ե՞րբ է այդ ժամանակը:
Ապրիլյան պատերազմի քննիչ հանձնաժողովի խորհրդարանական ձևաչափը մի շարք հարցեր է առաջ բերում: Նախ՝ հայտնի չէ հանձնաժողովի կազմը:
Ովքե՞ր են նրանք:
Ասում էին, որ կգործի նաև առանձին աշխատանքային խումբ, որը կզբաղվի տեխնիկական հարցերով:
Ովքե՞ր են նրանք:
Հանձնաժողովը կպատասխանի Քառօրյայի հետ կապված հանրությանը հուզող հարցերին:
Ե՞րբ:
Ըստ տարածված տեղեկատվության՝ հանձնաժողովի աշխատանքներին պետք է հրավիրվեին նաև պաշտպանության ոլորտի նախկին ու ներկա պաշտոնյաներ:
Ովքե՞ր են նրանք:
Ըստ օրենքի՝ հանձնաժողովը պետք է գործի վեց ամիս: Պատգամավորները վստահեցնում են՝ իրենց սկսած աշխատանքը կտեղափոխվի իրավական տիրույթ, եթե ուսումնասիրության արդյունքում քրեորեն պատժելի հանգամանքներ ի հայտ գան:
Իսկ մեր պատգամավորները տիրապետո՞ւմ են զինվորական ծառայության, սահմանային հենակետերում ծառայողական պայմանների և այդ պայմաններում պատերազմ վարելու նրբություններին:
