Նրբահամ տորթ, որն արժե գոնե մեկ անգամ պատրաստել ու վայելել

Ջեռոցը մինչև 170 աստիճան տաքացնում ենք և 25x25 չափի ձևամանում յուղաթուղթ դնում:
Մեկ հատ մեծ բանան ենք վերցնում և խյուսի վերածում. պետք է 150 գ խյուս ստանանք: Բանանով խյուսը, 125 գ շաքարավազը, բուսայուղն ու ձվերը խառնում ենք իրար և այնքան հարում, մինչև համասեռ զանգված ստանանք:

Ալյուրը աղի և սոդայի հետ մաղով անցկացնում ենք, ավելացնում ձվով զանգվածին և այնքան ենք հարում, մինչև համասեռ զանգված ստանանք:

Խմորը ձևամանի մեջ ենք լցնում և 15 րոպե թխում. փայտիկով փորձում ենք․ եթե այն խմորից չոր է դուրս գալիս, ուրեմն՝ բիսկվիթը պատրաստ է: Թողնում ենք՝ բիսկվիթը սառչի, այնուհետև եզրերը հավասարեցնում ենք: Բացվող ձևամանի կողքերին փայլաթիթեղ ենք ամրացնում և բիսկվիթը դնում ձևամանի մեջ:

Պատրաստում ենք կարամելային մուսը: Կարամելային պուդինգը լցնում ենք ամանի մեջ և տաքացնում, մինչև սենյակային ջերմաստիճանի դառնա: Պուդինգը հարելու ընթացքում բարակ շիթով ավելացնում ենք 17,5 գ ժելատինն ու որոշ ժամանակ հարում, որպեսզի ժելատինը հավասարապես խառնվի կարամելային զանգվածին: Կարամելային մուսը լցնում ենք շերտի վրա, ծածկում ենք և դնում սառնարանը, որպեսզի մուսը պնդանա:

Կարամելացնելու համար 3 հատ բանան են վերցնում և շրջաններով կտրատում: Շագանակագույն շաքարավազը լցնում նք տապակի մեջ, այնուհետև 3 թ/գ ջուր ավելացնում:
Խառնուրդը տաքացնում ենք, որպեսզի շաքարավազը լուծվի, այնուհետև ավելացնում ենք բանաններն ու ուժեղ կրակին անընդհատ խառնելով տաքացնում, մինչև օշարակը թանձրանա և կարամելային երանգ ստանա: Կրակից վերցնում ենք և թողնում՝ սառչի:

Բանանը դնում ենք կարամելային շերտի վրա:

Շոկոլադն անցկացնում ենք մանր քերիչով, սերուցքը 3 ճ/գ շաքարավազի հետ հարում ենք, մինչև կայուն փրփուր ստանանք: 15 գ ժելատինին ավելացնում ենք 2 ճ/գ սերուցք և լավ խառնում: Ժելատինը լցնում ենք սերուցքի մեջ, զգուշորեն խառնում, այնուհետև ավելացնում ենք շոկոլադե քերուկը և կրկին զգուշորեն խառնում:

Սերուցքը լցնում ենք բանանների վրա, ծածկում ենք տորթը  և գիշերը թողնում սառնարանում:

Մատուցելուց առաջ տորթը ձևամանից հանում ենք, կտրատում, ըստ ճաշակի ձևավորում և մատուցում: