Մենք բոլորս սովոր ենք, որ թեթև անփութությունը, ուշ քնելու սովորույթը և կռվարարությունը վատ երևույթներ են: Որքան զարմացան մարդիկ, երբ գիտնականները վերջին հետազոտությունների հիման վրա հակառակը ապացուցեցին: Մասնավորապես, այդ վնասակար հակումներից մեկը բացահայտ փաստում է բարձր ինտելեկտի և առաջադեմ մտածողության մասին: 

1. Եթե դուք ուշ եք քնում

Վերջերս «Հոգեբանությունն այսօր» ամսագրում հոդված տպագրվեց այն մասին, որ մարդիկ կարող են անտեսել սեփական կենսաբանական ռիթմերը, որոնք հատուկ են նաև կենդանիներին՝ գիշերը քնել, առավոտյան արթնանալ: Մարդը, ի տարբերություն կենդանիների, կարող է ցանկության դեպքում ինքը թելադրել իր օրգանիզմին ռիթմը: Դրա վառ ապացույցը մարդկանց ավանդական երկու տեսակն է՝ բվեր և արտույտներ, և մարդիկ իրենք են ընտրում այդ տեսակը:

2. Արդյո՞ք միշտ է վատ հայհոյելը

Եվս մեկ հետազոտություն ապացուցում է, որ հայհոյանք գործածող մարդիկ իրականում ավելի լայն բառապաշար ունեն, քան նրանց զուսպ գործընկերները: Հետազոտություններին մասնակցել են 18-22 տարեկան երիտասարդներ, որոնց հանձնարարվել է կարճ ժամանակամիջոցում գրավոր ներկայացնել պատշաճ հասարակության մեջ չընդունված բառերը, այնուհետև նույն ժամանակահատվածում թվարկել այն բոլոր կենդանիների անունները, որ կհիշեն: Արդյունքում ավելի մեծ բառապաշար ցուցաբերել են այն երիտասարդները, որոնք իմացել են նաև հայհոյանքներ:

3. Հետո ի՞նչ, որ տանը թափթփված վիճակ է

Հոգեբանները պարզել են, որ տանը թափթփված վիճակ ստեղծող մարդիկ ավելի զարգացած են և առաջադեմ, քան մաքրամոլները: Դա էլ հենց ստեղծագործական մտածողության ապացույց է: Հայտնի է, որ միտքը ծնվում է քաոսից:

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել