Բաղադրիչներ

  • Բիսկվիթի համար՝
  • ձու - 2 հատ
  • շաքարավազ - 250գր
  • բուսայուղ - 250մլ
  • կեֆիր - 250մլ (կամ թթվասեր)
  • սննդի գունանյութ - 1/2-2թ/գդ (ստիպված եք ավելացնել ինտուիտիվ՝ կախված գունանյութի խտությունից)
  • կակաո - 1ճ/գդ
  • սոդա - 3/4 թ/գդ
  • աղ - 1/4 թ/գդ
  • վանիլին - 1թ/գդ
  • ալյուր - 400գր
  • Կրեմի համար՝
  • պանիր մասկարպոնե - 400գր
  • կարագ - 150գր
  • շաքարի փոշի - 400գր
  • վանիլին - 1թ/գդ
  • Բիկսվիթի ներծծման համար՝
  • օշարակ բալի - 100մլ (կամ բալի լիկյոր)

Պատրաստման եղանակ

Պատրաստում ենք բիսկվիթը: Դրա համար հարում ենք ձուն շաքարավազի հետ մինչև զանգվածի սպիտակելը և ծավալով ավելանալը, ապա ավելացնում վանիլինը, բուսայուղը և կեֆիրը: Շարունակում ենք հարել մինչև միատարր զանգվածի առաջացումը: Ավելացնում ենք գունանյութը, կրկին հարում:
red-velvet-2
Խառնում ենք ալյուրը, սոդան, աղը և կակաոն, ապա անցկացնում մաղով: Մաս առ մաս ավելացնում ենք կարմիր զանգվածի վրա և գդալով զգույշ խառնում: Պետք է ստացվի միատարր նուրբ և թեթև խմոր:
red-velvet-3
Խմորը բաժանում ենք 2 մասի: Առաջին մասը լցնում ենք 21-23 սմ տրամագծով ձևամանի մեջ, որը նախապես պատում ենք բուսայուղով և հատակին փռում պերգամենտային թուղթ:
Ջեռոցը տաքացնում ենք 180 աստիճան և թխում բիսկվիթը 30-35 րոպե: Նույն կերպ թխում ենք երկրորդ բիսկվիթը:
Պատրաստում ենք կրեմը: Դրա համար քիչ արագությամբ հարում ենք մասկարպոնեն փափկած կարագի հետ, ապա մաս առ մաս ավելացնում շաքարի փոշին, վանիլինը: Շարունակում ենք հարել մինչև միատարր զանգվածի առաջացումը:
red-velvet-4
Արդեն սառչած բիսկվիթի շերտերի կողքի չորացած հատվածները կտրում ենք և վերածում փշրանքի:
Բիսկվիթի ամբողջական շերտերը ներծծում ենք բալի օշարակով կամ լիկյորով:
Բիսկվիթի առաջին շերտի վրա քսում ենք կրեմի կեսը, ապա դնում երկրորդ շերտը: Կրեմի մնացած մասով պատում ենք տորթի վրայի մակերեսը և կողքերը:
Տորթի կողքի հատվածները պատում ենք բիսվիթի փշրանքով, իսկ տորթի վրա ցանկության դեպքում շաղ ենք տալիս քերիչով անցկացրած կաթնային շոկոլադ:
red-velvet-5
Տեղափոխում ենք տորթը սառնարան 3 ժամով, ապա համտեսում:
red-velvet-6

Այսպիսով, համոզվեցինք, որ ամերիկյան խոհանոցի ամենահայտնի թխվածքներից մեկը՝ “Red Velvet” կամ “Կարմիր Թավիշ” տորթն իրականում բավականին հեշտ է պատրաստվում: Իսկ իր անսպասելի և տպավորիչ գույնի շնորհիվ այն կարող է գեղեցիկ անակնկալ հանդիսանալ նաև Սուրբ Վալենտինի տոնի առթիվ:

Հուսով ենք, ձեզ դուր եկավ այս բաղադրատոմսը:

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել