Տորթ «Մրջնաբույն»՝ չորաբլիթով

Մեր սիրելի «Մրջնաբույնի» բաղադրատոմս ենք առաջարկում, սակայն այս անգամ ոչ թե ավանդական ձևով՝ չորաբլիթով։

Այս տարբերակով տորթը պատրաստելու համար ձեզնից ընդամենը 10 րոպե կպահանջվի։ Փորձեք և հաստատ կհավանեք։

Անհրաժեշտ բաղադրիչներ

• Չորաբլիթ – 600 գ
• Կարագ – 100 գ
• Եփած խտացրած կաթ – 500 գ
• Կաթնային շոկոլադ – 30 գ
• Թթվասեր – 2 ճ/գ
• Ընկույզ – ըստ ճաշակի

  Պատրաստման եղանակը

  1. Մանրացրեք չորաբլիթը։ Խորը թասի մեջ լավ հարեք եփած խտացրած կաթը։

  2. Խտացրած կաթը հարելուց հետո ավելացրեք թթվասերը և միասին հարեք մինչև համասեռ զանգված ստանալը։ Ավելացրեք հալեցրած կարագը և լավ հարեք կրեմը։

  3. Մանրացրեք ընկույզը, ավելացրեք կրեմին և խառնեք։ Չորաբլիթի փշուրները կրեմով միացրեք։

  4. Ճաշի գդալով ստացված զանգվածը բլրաձև լցրեք տափակ ափսեի վրա, վրան քերած շոկոլադ լցրեք և մեկ ժամով դրեք սառնարանը։

  5. Երբ տորթը սառչի, կտրատեք այն, ինչ ձևով ցանկանաք և վայելեք սուրճի կամ թեյի հետ։