Կրթության և գիտության նախարար Արայիկ Հարությունյանն իմ քաղաքական կոռեկտությունն ու հանրային դեմքին վայել պատասխանը շփոթեց թուլության հետ ու իրեն թույլ տվեց տղամարդուն ոչ վայել պահվածք՝ այս անգամ արդեն Հանրայինի եթերում անդրադառնալ իմ տղաներին և ևս մեկ անգամ իր քաղաքական բանավեճն իրականացնել՝ օգտագործելով իմ երեխաների անունը։
Լսիր, տես քեզ ինչ եմ ասում, Արայիկ, եթե մի անգամ էլ քեզ թույլ տվեցիր որևէ տեղ որևէ առիթով ու որևէ ձևաչափով մեջբերել իմ երեխաների անունները, խոսել իմ երեխաների մասին ու փորձել նրանց «օգտագործել» քո ելույթներում ու քաղաքական նպատակներով, այդ անգամ արդեն քո քաղաքական «փրկիչ» Նիկոլ Փաշինյանը նույնիսկ քեզ չի օգնի։
Երևի դու երկու անգամից էլ չես հասկանում... Առաջինը, երբ ես շատ քաղաքավարի քեզ զգուշացրի, մի անգամ էլ տիկին Աննա Հակոբյանն իր գրառմամբ անուղղակի հասկացրեց, որ երեխաներին պետք չի խառնել այս ամենին։
Դե, ես մեծ հույս ունեմ, որ դու այնքան խոհեմություն կունենաս, որ երրորդ անգամ այս սխալը չես կատարի։
Թե որ դպրոցում պետք է սովորեն իմ երեխաները, դա որոշում է նրանց հայր Արմենը, ու ոչ դու, ոչ էլ որևէ մեկը չպետք է իրեն թույլ տա խառնվել իմ որոշումների մեջ։
Նորից ասեմ քեզ՝ մինչեւ սեփական զավակ չունենաս, երեխա մեծացնելու ղադրը չես իմանա։ Գուցե սա՞ է քո չարության պատճառը։
Կարծում եմ՝ դաշինքիդ անդամ նորմալ մարդիկ կրկին կբացատրեն քեզ քո քայլի էժանությունը։
Առայժմ այսքանը։
