Նյու Յորքում նոյեմբերի 5-ին սկսվում է մեքսիկացի Էլ Չապո մականունով նարկոբարոն Խոակին Գուսմանի դեմ դատական գործընթացը՝ տեղեկացնում է «Голос Америки»-ն։
Սրա հետ կապված՝ իշխանություններն ուժեղացնում են անվտանգության միջոցառումները, այդ թվում գաղտնի են պահվում 20 ատենակալների և 6 փոխարինողների անունները։
Ակնկալվում է, որ հայտարարությունները կսկսվեն նոյեմբերի 13-ին
Մեքսիկան 2017թ․ Գուսմանին արտահանձնել էր ԱՄՆ-ին, և այդ օրվանից նա գտնվում է Նյու Յորքի դաշնային բանտի մենախցում։
Գուսմանն ընդունել է Հյուսիսային Ամերիկայում թմրանյութերի վաճառքի խոշոր գործարքը ղեկավարելու, այդ թվում՝ փողեր լվանալու, ԱՄՆ-ի քաղաքներում՝ Չիկագոյում, Մայամիում, Նյու Յորքում մարդկանց առևանգելու և սպանելու մասին իրեն առաջադրված մեղադրանքները։ Մեղադրանքներով նախատեսվում է պարտադիր ցմահ բանտարկություն։
Դատից առաջ Գուսմանի պահպանությունը ևս ուժեղացվել է։ Նրան երկու անգամ հաջողվել է փախչել Մեքսիկայի առավել խիստ ռեժիմի բանտից։ Իշխանությունները փորձում են թաքցնել նաև գործով վկաներին՝ նրանց վրեժից պաշտպանելու համար։ Նրանցից ոմանք հատուկ բանտախցերում են, ոմանք էլ ներառվել են վկաների պաշտպանության ծրագրերում։