Սամվել Ալեքսանյանի ընտանիքին պատկանող Yerevan City սուպերմարկետների ցանցը շուտով կարտադրի նոր օղի։ Նոր օղու բրենդը կընդգծի Ալեքսանյանների վերջնական միացումը համաժողովրդական շարժմանը։
ԱԺ վերջին նիստում Սամվել Ալքեսանյանը միակ պատգամավորն էր, որ քվեարկեց Փաշինյանի թեկնածության դեմ՝ համաձայն Փաշինյանի ցանկության։ Սակայն քաղաքական բարդ դասավորվածությունը մոլորեցրել է բազմաթիվ մարդկանց։
«Աժժ ջան, մարդիկ չեն հասկանում, որ Նիկոլի հմար եմ ես իրան դեմ քվեարկել։ Մտածում են՝ ես օբշի իրա դեմ եմ»,- նշում է Սամվել Ալեքսանյանը։- Էս արաղից հետո մարդիկ վերջնական կհասկանան իմ ու մեր վարչապետի միասնական ճակատը։ Ես միշտ ասել եմ՝ Նիկոլը իմ ախպերն ա։ Հետո միշտ հավելել եմ՝ և այդ մեկը դու ես»։
Համաձայն Ալեքսանյանների նախաձեռնության՝ առաջին մեկ ամիսը օղիները կվաճառվեն կես գնով՝ 250 դրամ։ Նպատակը մաքսիմալ մարդկանց սիրո և համերաշխության ուղերձը հասցնելն է։
