Armsport.am-ը գրում է.
«Ռոմայի» նախկին ավագ, իսկ ներկայումս ակումբի տնօրեն Ֆրանչեսկո Տոտտին կարիերան ժամանակավորապես վերսկսելու առաջարկ է ստացել, հայտնում է «Goal.com»-ը:
Իտալիայի հավաքականի կազմում աշխարհի չեմպիոն հռչակված Տոտտին իր կազմում է ցանկանում տեսնել Սիդնեյի «ԱՊԻԱ» կիսապրոֆեսիոնալ ակումբը, որն առաջարկում է նրան մասնակցել «Ադելայդա Յունայթեդի» հետ` Ավստրալիայի Գավաթի քառորդ եզրափակչի խաղին, որը կկայանա սեպտեմբերի 26-ին:
Իր պարտականությունների կատարման շրջանակում Տոտտին այդ ժամանակահատվածում կլինի Ավստրալիայում` որպես «Ռոմայի» ներկայացուցիչ:
Տոտտին պրոֆեսիոնալ ֆուտբոլիստի կարիերան ավարտել է 2017 թվականին: Մինչ այդ նա 25 տարի շարունակ պաշտպանել է «Ռոմայի» գույները, որի կազմում 1 անգամ դարձել է Իտալիայի չեմպիոն, երկու անգամ էլ` երկրի գավաթակիր:
