Սահմանվում են տնտեսական փուլային պատժամիջոցներ Իրանի եւ Ռուսաստանի նկատմամբ, տնտեսական անկայունության փուլ է մտնում Թուրքիան, այս ամենի տնտեսական հետևանքները տրամաբանորեն չեն շրջանցի հարավկովկասյան երկրները։ Հասկանալի է, որ տնտեսական ճնշումները կընթանան նաև հարավկովկասյան և, իհարկե, մերձավորարևելյան տարածաշրջանի համար քաղաքական, ռազմաքաղաքական հետևանքներով։ Կարելի է կանխատեսել, որ տարածաշրջանի ուղղությամբ տնտեսական ճնշումները կմոբիլիզացնեն նախ հակաիսրայելական հասարակական-քաղաքական բևեռը, լարվածությունը կմեծանա պաղեստինա-իսրայելական ճակատում, նոր խմորումներ կլինեն Սիրիայում։
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
