Իսրայելում թեժանում են կրքերը երկրի հրեա և արաբ ներքաղաքական ճամբարների միջև՝ կապված Իսրայել պետության բնույթը սահմանող օրենսդրական հիմքերի ամրագրման հետ։ Արաբական քաղաքական թևը մտադիր է Քնեսեթ ներկայացնել «Ժողովրդավարական, բազմամշակութային և իրավահավասար Իսրայել պետության» մասին հիմնական օրենքը։ Սույն օրենքը նախատեսում է չեղարկել Իսրայել պետության հրեական բնույթի բոլոր ատրիբուտները, հրեական սիմվոլները։ Ի հակադրություն վերջինիս` երկրի հրեական քաղաքական բևեռը մշակում է Իսրայել պետության հրեական բնույթը սահմանող հիմնական օրենքը։ Նշեմ նաև, որ վերոնշյալ օրենքի ընդունման հարցը միանշանակ չի ընկալվում Իսրայելի հրեական տարբեր քաղաքական ճամբարների, ինչպես նաև հրեական սփյուռքում։
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
