Araratnews.am-ը գրում է.
Սաուդյան Արաբիայում ձերբակալված արքայազները, ովքեր մեղադրվում են կոռուպցիայի մեջ, համաձայնել են ազատության համար տալ իրենց ունեցած միջոցների մի մասը. գրում է The New Yotk Times-ը:
Թագաժառանգ Մուհամմեդ բեն Սալման Ալ Սաուդին հայտարարել է, որ 2015-ին իշխանությունները որոշել են հավաքել բոլոր կոռուպցիոն գործերի վերաբերյալ բոլոր ապացույցները: Արդյունքում` ստացվել էր 200 անունից բաղկացած ցուցակ:
«Մենք նրանց ցույց տվեցինք բոլոր փաստաթղթերը, և դրանից հետո արքայազների 95%-ը որոշեց նախաքննական կարգով լուծել հարցը»,- ասել է արքայազնը:
Նշվում է, որ Սաուդյան Արաբիայի իշխանությանը հաջողվել է հավաքել արդեն 100 մլրդ դոլար:
Ավելի վաղ հաղորդել էինք, որ Սաուդյան Արաբիայում ձերբակալված թագավորական ընտանիքի անդամներն ու գործարարները խոշտանգումների են ենթարկվում մասնավոր ամերիկյան ռազմական ընկերության աշխատակիցների կողմից:
Տեղեկացրել էինք նաև, որ կոռուպցիայի մեղադրանքով ձերբակալվել էր հայկական արմատներով սաուդցի արքայազն, միլիարդատեր ալ Վալիդ իբն Թալալ իբն Աբդել Ազիզ ալ Սաուդը, ով Forbes-ի վարկածով աշխարհի ամենահարուստ մարդկանցից մեկն է, և նրա դուստրը՝ արքայադուստր Ռիմ բինտ ալ Վալիդ իբն Թալալը:
