Գերմանիայի դեսպանին երկու օրվա ընթացքում երկրորդ անգամ կանչել են Թուրքիայի ԱԳՆ. ըստ ԶԼՄ-ների՝ պատճառը Հայոց ցեղասպանության մասին բանաձևն է

Tert.am-ը գրում է.

Թուրքիայի ԱԳՆ-ն կրկին կանչել է Անկարայում Գերմանիայի դեսպանին: Մարտին Էրդմանը պետք է ներկայանա Թուրքիայի արտգործնախարարություն երկուշաբթի՝ սեպտեմբերի 18-ի երեկոյան: Այդ տեղեկությունը հաստատել է Գերմանիայի ԱԳՆ պաշտոնական ներկայացուցիչ Մարտին Շեֆերը: Նրա խոսքերով՝ գերատեսչությունում արդեն կորցրել են հաշիվը, թե քանի անգամ են իրենց «դժբախտ դեսպանին» կանչել Թուրքիայի ԱԳՆ, գրում է Deutsche Welle-ն:

Der Spiegel ամսագրի տվյալներով, որոնք Շեֆերը ոչ հաստատել է, ոչ հերքել, գերմանացի դիվանագետին Թուրքիայի ԱԳՆ կանչելը կապված է Հայոց ցեղասպանությունը դատապարտող բունդեսթագի բանաձևի նկատմամբ թուրքական իշխանությունների «հիվանդագին արձագանքի» հետ:

Ամբողջական հոդվածը կարող եք կարդալ այստեղ։