Զարուհի Փոստաջյանն այսօր լրագրողների հետ զրույցում ամփոփել է Երևանի ավագանու ընտրությունների քարոզարշավը: Փոստանջյանի պնդմամբ՝ «Ելք» դաշինքը պատրաստ է շարունակելու համագործակցությունն իշխանությունների հետ, իսկ «Երկիր Ծիրանիի» միակ խնդիրը Հանրապետականի դեմ պայքարն է:
Տրամաբանորեն եթե նայենք, ապա «Երկիր Ծիրանի» կուսակցության միակ խնդիրը չի կարող լինել Հանրապետականի դեմ պայքարը: Երևանի ավագանու ընտրությունների նախընտրական շրջանում «Երկիր Ծիրանի» կուսակցության միակ խնդիրը պետք է լիներ քաղաքի խնդիրների ու անելիքների բարձրաձայելն ու խելամիտ ծրագիր ներկայացնելը:
Սա նախ և առաջ անհարգալից վերաբերմունք է կուսակցության ընտրազանգվածի հանդեպ, քանի որ մարդիկ իրեն ընտրում են նախ ծրագրի համար: Փոստանջյանն այս ամբողջ ընթացքը պետք է օգտագործեր սեփական ծրագրի մշակման ու ներկայացման համար, բայց քանի որ «Երկիր Ծիրանի» կուսակցության ծրագիրն ավելի շատ նման էր նախընտրական կենացի, ապա «Միակ խնդիրը հանրապետականի դեմ պայքարն է» արտահայտությունը «high level» պոպուլիզմ է:
