Times.am-ը գրում է.Եվրոպական միության կողմից Ռուսաստանի նկատմամբ պատժամիջոցները կպահպանվեն մինչև մինսկյան համաձայնագրի իրականացումը՝ ուղղված Ուկրաինայի արևելքում ճգնաժամի կարգավորմանը: Ինչպես փոխանցում է «Արմենպրես»-ը, վկայակոչելով «ՌԻԱ-նովոստի»-ն, նման հայտարարություն է արել ԵՄ արտաքին քաղաքականության և անվտանգո ւթյան հարցերով գերագույն հանձնակատար Ֆեդերիկա Մոգերինին:
«Մեզ համար շատ կարևոր է, որպեսզի մինսկյան պայմանավորվածություններն ամբողջությամբ իրականացվեն: Ինչպես գիտեք, Ռուսաստանի դեմ գործում են պատժամիջոցներ, ինչպես Ղրիմի անօրինական միավորման, այնպես էլ Ուկրաինայի արևելքում իրավիճակի պատճառով: Այդ պատժամիջոցները հստակ կապված են մինսկյան պայմանավորվածությունների իրականացման հետ, և ԵՄ նման դիրքորոշումը կպահպանվի»,- Մյունխենում ընթացող անվտանգության հարցերով կոնֆերանսի ժամանակ ասել է Մոգերինին:
Նյութի աղբյուր՝ http://times.am/?p=203033&l=am
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print
Տպել
