Araratnews.am-ը գրում է.
Գերմանիայի կանցլեր Անգելա Մերկելը Թուրքիայի նախագահ Ռեջեփ Թայիփ Էրդողանի հետ հանդիպմանը կոչ է արել Թուրքիայում պահպանել քաղաքացիական իրավունքները, հայտնում է DW–ն։
Անկարայում հանդիպումից հետո կայացած մամուլի ասուլիսի ժամանակ Մերկելը, անդրադառնալով Թուրքիայում կայանալիք հանրաքվեին, նշել է, որ անհրաժեշտ է պահպանել կարծիքների ազատությունը, իշխանության տարանջատման սկզբունքը եւ հասարակության բազմազանությունը։
«Ընդդիմությունը ժողովրդավարական համակարգի մաս է, դրանում մենք ամեն օր համոզվում ենք»,– ասել է նա։
Մերկելը նաեւ կողմ է արտահայտվել, որ ԵԱՀԿ դիտորդները Թուրքիայում հանրաքվեի մշտադիտարկում անցկացնեն։ Բացի այդ, Մերկելը մտահոգություն է հայտնել Թուրքիայում լրագրողների հալածանքների կապակցությամբ։
Նյութի աղբյուր՝ http://araratnews.am/merkeln-u-erdoghaneh-handipel-en/
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print
Տպել
