Մենք սովոր ենք շարունակ դժգոհել մեր երկրում արևմտյան դիվանագիտական ներկայացուցչությունների հայտարարություններից՝ համարելով դրանք անտեղի միջամտություն մեր ներքին գործերին։ Այո՛, իսկական անկախ պետության համար, որն ունի կայացած պետական համակարգ, բարձր քաղաքական մշակույթ և ինքնուրույն, այն է՝ ազգային շահերը սպասարկող արտաքին քաղաքականություն, նմանօրինակ հայտարարությունների նկատմամբ վատ արձագանքը լիովին ըմբռնելի և հասկանալի կլիներ։ Բայց, ցավոք, մենք մի երկիր ենք, որը զուրկ է իմ՝ վերևում թվարակած և արժանապատիվ պետություն լինելու բոլոր նախապայամաններից ու չափորոշիչներից։ Այս պայմաններում շատ բնական է, որ մի երկրորդ ուժ իրեն իրավունք է վերապահում միջամտել մեր ներքին գործերին, որովհետև քանի դեռ մեր ողջ պետական համակարգը կոռումպացված է և շարունակում է մեծ ախորժակով լափել արևմտյան դոնորների փողերը, այս կառույցները շարունակելու են միջամտել, ուղղություններ ցույց տալ մեզ։ Քանի դեռ մենք չգիտենք՝ ինչ է արդար ու անկաշառ դատական համակարգը, ինչ է ազատ մրցակցային տնտեսությունը կամ նորմալ կրթական համակարգը, մեզ անընդհատ խրատ են տալու, և գիտեք, ճիշտ էլ անելու են, քանի որ մենք ինքներս ենք ընտրել այսպիսի թույլ և համաշխարհային ամենատարբեր գործընթացներում անարժեք պետություն լինելու ճանապարհը։
Նյութի աղբյուր՝ https://www.facebook.com/karen.hambardzumyan.3910/posts/199395233800877?notif_t=close_friend_activity¬if_id=1481085806205968
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print
Տպել
