Image resultԱյսօր Թուրքիայի իշխող կուսակցության խորհրդարանական խմբակցության նիստին մասնակցել է ռուս քաղաքագետ, եվրասիականության տեսաբանի համբավ ունեցող Ալեքսանդր Դուգինը: Իհարկե, ԱԶԿ-ի խմբակցության նիստին մասնակցելն արդեն չի կարող զարմանալի լինել: Հեղաշրջման փորձից հետո նրա երթևեկը Թուրքիա էականորեն հաճախակիացել է: Դրանով հանդերձ՝ նա ջանադրաբար տարբեր ուղերձներ է հղում Ռուսաստանի ղեկավարության անունից։ Հեղաշրջման փորձից հետո անընդհատ կրկնում ու պնդում է, որ հեղաշրջման հետևում կանգնած է ԱՄՆ-ն, ուստի Թուրքիան պետք է ճիշտ կողմնորոշվի:
Այսօր էլ լրագրողների հետ զրույցում նշել է, որ Պուտինը Թուրքիային ռազմավարական գործընկերության առաջարկ է անում, որ Թուրքիան, չնայած ՆԱՏՕ-ի անդամ է, բայց որպես անկախ ու ինքնուրույն պետություն՝ պետք է որոշում կայացնի՝ ովքեր են իր թշնամիներն ու բարեկամները: Հիմնական ուղերձը սա է, որ շարունակաբար հրամցնում է:
Ռուսական քաղաքական էլիտայի ընկալումներում կրկին նույն մտայնությունն է. պատին սեղմված Թուրքիային Ռուսաստանը կարող է ազատել ՆԱՏՕ-ի ճիրաններից և բերել իր աշխարհաքաղաքական ազդեցության ոլորտ:
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել