Չափելի ցուցանիշներ դեսպանատների համար
Ներկայիս գլոբալ աշխարհում ցանկացած երկրի քաղաքական առաջնահերթություններից է միջազգային փոխշահավետ հարաբերությունների կառուցումը: Այս խնդիրը մեր երկրում հատկապես կարևոր է՝ հաշվի առնելով մեր աշխարհագրական դիրքն ու հարևան երկրների հետ հարաբերությունները:
Իհարկե, այս ոլորտում շատ կարևոր են դիվանագիտական հարաբերությունները, բայց եկեք չմոռանանք տնտեսական կապերի մասին: Մեր և ցանկացած երկրի զարգացման և տնտեսական ակտիվության համար մեծ դեր ունեն օտարերկրյա ներդրումները, որոնք նաև կապված են երկրների միջև դիվանագիտական հարաբերություններով: Այս ոլորտի վրա բնականաբար մեծ ազդեցություն ունեն դեսպանատները՝ դեսպանների գլխավորությամբ, ովքեր ներկայացնում են մեր երկիրը ամբողջ աշխարհին, ուստի կատարված աշխատանքների համար գնահատման ցուացանիշներ հաստատելիս առաջին հերթին այն պետք է վերաբերի դեսպանատներին:
Այս հարցը համակարգելու նպատակով վարչապետը հանձնարարական է հղել ԱԳՆ-ին՝ դեսպանատների աշխատանքների գնահատման մեջ հաշվի առնել հետևյալ ցուցանիշները՝ ներդրումները տվյալ երկրից, առևտրային շրջանառությունը, արտահանումը, ներմուծումը, զբոսաշրջությունն այդ երկրի և մեր երկրի միջև, ինչը թույլ կտա տեսնել առկա թերացումները և քայլեր ձեռնարկել դրանք ուղղելու համար:
