Երբ առաջին անգամ կառավարության հետ հարցուպատասխանի ժամանակ Կարեն Կարապետյանը հայտարարեց, որ կախարդական փայտիկ չունի, բոլորս միանգամից հիշեցինք, որ կախարդական փայտիկ չունենալու հանգամանքն իրենց խոսքում նախորդ վարչապետները ևս հիշատակել էին:
Իրականում կախարդական փայտիկը գտնված է, ճիշտ է, այն միանգամից բոլոր հարցերի պատասխանը չի տալիս, բոլոր խնդիրները չի լուծում, սակայն պետք էլ չի, ամեն ինչ պետք է աստիճանաբար անել:
Նոր կառավարությունը վատ տեմպ չի վերցրել և կադրային փոփոխություններով, կառավարման համակարգը ճկուն, մոբիլ դարձնելու ճանապարհով, վաղուց իրենց լուծումները պահանջող մեծ ու փոքր խնդիրների լուծմամբ գնում է առաջ:
Ամեն դեպքում հանրության մոտ արդեն մեկ ամիս է՝ լավատեսությունը պահպանվում է, ինչը մեր դեպքում վատ չէ, դա նվազագույնը նշանակում է, որ կառավարությունը ի սկզբանե չի ձախողվել և ինքնամաքրման, ինքնակարգավորման ճիշտ ճանապարհ է ընտրել:
Մնում է, որ նոր կառավարությունը «ռելսերից չընկնի» ու իր նորմալ հունով ընթանա:
