Ադրբեջանական լրատվամիջոցների տարածած տեղեկատվության համաձայն՝ մայիսի 3-ին Ադրբեջան է այցելելու Թուրքիայի ժանդարմերիայի գլխավոր հրամանատար Գալիփ Մենդին: 2015թ. ժանդարմերիայի հրամանատար նշանակված Մենդին մինչ այդ զբաղեցրել է Թուրքիայի ցամաքային ուժերի 2-րդ բանակի և Էգեյան բանակի հրամանատարի պաշտոնը: Տարբեր տարիների եղել է հատուկ նշանակության ուժերի բրիգադի ու հյուսիսային Կիպրոսի թուրքական ուժերի հրամանատար: Վերջինիս այցը ուղղակի արարողակարգային չի կարող լինել, ակնհայտ ու պարզ է, որ թուրքական կողմը խորհրդատվական լուրջ աջակցություն է ցույց տալիս ադրբեջանական զինված ուժերին: Արդեն բազմիցս նշվել է, որ հատկապես ադրբեջանական հատուկ նշանակության ստորաբաժանումների վարժեցումն ու պատրաստությունը թուրք ռազմական մասնագեների գործուն մասնակցությամբ է տեղի ունենում: Ուշագրավ է, որ թուրքական ԶԼՄ-ները լռություն են պահպանում այցի հետ կապված, մինչդեռ ադրբեջանականները ջանասիրաբար տարածում են այս տեղեկատվությունը:Նյութի աղբյուր՝ https://www.facebook.com/levon.hovsepyan.58/posts/1138966436122595?ref=notif¬if_t=close_friend_activity¬if_id=1462228141385494
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print
Տպել
