Արտգործնախարար Էդվարդ Նալբանդյանը հայտարարությամբ է հանդես եկել Պարագվայի Սենատի կողմից Հայոց ցեղասպանության ճանաչման վերաբերյալ:
ԱԳՆ մամուլի ծառայությունից ներկայացնում են հայտարարությունը. «Հայաստանը ողջունում է Պարագվայի Սենատի կողմից Հայոց ցեղասպանության ճանաչումը:
Հայոց ցեղասպանության միջազգային ճանաչման շարունակական ընդլայնումը վկայում է, որ մարդկության դեմ իրականացված հանցագործությունները վաղեմության ժամկետ չունեն, և Հայոց ցեղասպանությունից նույնիսկ հարյուր տարի անց մարդկությունը շարունակում է ճանաչել և դատապարտել այդ ոճրագործությունը։
Այս քայլով Պարագվայի Սենատը կարևոր ներդրում կատարեց ցեղասպանությունների և մարդկության դեմ հանցագործությունների կանխարգելման միջազգային ջանքերում»։
Նյութի աղբյուր՝ http://www.panorama.am/am/politics/2015/10/30/e-nalbandyan/
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print
Տպել
