Lurer.com–ը գրում է.

Թուրքիան կարող է միջնորդի դեր խաղալ Եմենում ճգնաժամի կարգավորման հարցով պատերազմող կողմերի միջև: Այս մասին գրել է «Սաբահ» թերթը` վկայակոչելով Թուրքիայի ԱԳ նախարար Մևլութ Չավուշօղլուին:

Նրա խոսքով` Եմենում ճգնաժամի կարգավորման համար բավարար չեն Իրանի և Թուրքիայի բանակցությունները, և մյուս երկրները նույնպես պետք է ակտիվ մասնակցություն ունենան այդ գործընթացում:

Եմենում, մարտի 26-ից իրականացվում է միջազգային ռազմական գործողություն` մի շարք արաբական երկրների զինված ուժերի ստորաբաժանումների մասնակցությամբ: Գործողությունը ուղղված է հուսիթների շիական զինված խմբավորման` «Անսար Ալլահի» դեմ:

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել