Replik.am-ը գրում է.

1999 թվականին Ադրբեջանի և Եվրամիության միջև փաստաթուղթ ստորագրվեց գործընկերության և համագործակցության մասին: Այդ փաստաթղթում աջակցություն էր հայտնվում նաև Ադրբեջանի տարածքային ամբողջականությանը:

Նման հայտարարությամբ հանդես է եկել Եվրամիության Բաքվի գրասենյակի ղեկավար Միլենա Մարդը:

Նրա խոսքերով, Եվրամիությունն աջակցում է ղարաբաղյան հակամարտության խաղաղ կարգավորմանն ուղղված ԵԱՀԿ Մինսկի խմբի ջանքերը:

Դիվանագետը նշել է, որ Եվրամիությունը հատուկ ուշադրություն է դարձնում տարածքային ամբողջականությանը անվտանգության հարցերին. «Մեզ համար ստատուս-քվոն անընդունելի է: Անցած տարի նախագահները երեք անգամ հանդիպել են: Բարձր մակարդակով հանդիպումներ անցկացնելը շատ կարևոր է»,-հայտարարել է Մարդը:

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել