Yerkir.am-ը գրում է․
Հայկական ուղղաթիռը խոցելով` Ադրբեջանն ակնհայտորեն խախտել է ոչ միայն զինադադարի պայմանագիրը, այլև վեճերը խաղաղ կերպով և ոչ ուժով կամ ուժի սպառնալիքով լուծելու մասին իր ստանձնած միջազգային պարտավորությունները: Այս մասին այսօր լրագրողների հետ հանդիպման ժամանակ ասաց միջազգային իրավունքի մասնագետ Վիգեն Քոչարյանը:
Նրա խոսքով` երկու օր առաջ կատարվածի տեսագրությունը հստակ փաստաթղթավորված ապացույց է, որը ոչ միայն այս, այլև մինչ այդ կատարված սադրանքների հանգամանքները ճշտելու հնարավորություն է տալիս: Եվ նաև ապացույցն է այն մասին, որ սադրողը հայկական կողմը չի եղել:
Վ. Քոչարյանն անդրադարձավ նաև դեպքից հետո Ադրբեջանում տեղի ունեցած զարգացումներին` պարգևատրվեց հայկական ուղղաթիռը խոցած զինվորականը: «Պարգևատրում են այն դեպքում, երբ կատարվում է հրամանը»,- ասաց նա: Բանախոսը հետևություններ է անում, որ կամ նախապես էր պլանավորված ուղղաթիռի խոցումը, կամ հրաման կա` հարմար առիթները օգտագործել ԼՂՀ Պաշտպանության բանակի զինտեխնիկան և զինվորականներին վերացնելու համար: Վ. Քոչարյանի խոսքով` անընդունելի էր նաև միջազգային կառույցների արձագանքը, որոնք լղոզված, ընդհանուր բնույթի հայտարարություններ արեցին` չհստակեցնելով, թե ով է պատասխանատու կատարվածի համար:
Ամբողջական հոդվածը կարող եք կարդալ այստեղ
