Ընտանիքը յուրաքանչյուր հայ օջախի հենասյունն է:
Պատմությունն էլ բազմիցս ապացուցել է, որ հայ մարդը կանգուն է միայն իր ընտանիքի շնորհիվ:
Ընտանիքն էր, որ մեզ օգնեց և ուժ տվեց, որպեսզի պայքարենք և ամուր կառչած մնանք մեր պատմական հայրենիքից: Հայի համար ընտանիքը միշտ էլ եղել է սրբություն: Ընտանիք ունենալու փաստն է մարդուն ուժ տալիս` պայքարելու ու հաղթահարելու իր առջև ծառացած բոլոր դժվարությունները:
Միայն ընտանիք ունենալու դեպքում մարդ կարող է իրեն հասարակության մեջ լիարժեք զգալ և պայքարել հանուն վաղվա օրվա: Չեմ սխալվի, եթե ասեմ, որ հայ ընտանիքները միշտ էլ տարբերվել են աշխարհի մյուս երկրների ընտանիքներից` սիրով, նվիրվածությամբ և հավատով: Յուրաքանչյուր հայի համար ընտանիքն անփոխարինելի արժեք է:
Շնորհավորում եմ բոլոր ընտանիքներին այս գեղեցիկ օրվա կապակցությամբ և մաղթում ընտանեկան երջանկություն, հարատև ջերմություն և բարեկեցություն, իսկ նոր ձևավորվող ընտանիքներին` անսահման սեր, առողջ ու գեղեցիկ զավակներ:
