
Սթիվ Մակքարին աշխարհահռչակ է դարձել «Աֆղան աղջիկը» լուսանկարով: Նա մեծ ճանաչում ունի ինչպես իր գործընկերների, այնպես էլ հասարակ մարդկանց շրջանում: Նա ճանապարհորդական և վավերագրական ֆոտոլրագրության ամենակարկառուն ներկայացուցիչներից է: Մակքարին լուսանկարչությամբ սկսել է հետաքրքրվել այն ժամանակ, երբ լուսանկարների շարք էր պատրաստում «The Daily Collegian» համալսարանական ամսագրի համար: Այդ ժամանակից ի վեր նա և իր ֆոտոխցիկը անբաժան ընկերներ են դարձել: Համալսարանն ավարտելուց հետո Մակքարին որոշեց ուղևորվել Հնդկաստան և սկսեց ուսումնասիրել այդ երկիրը՝ ճանապարհորդության ամենահետաքրքիր պահերն անմահացնելով իր լուսանկարներում: Մի քանի ամիս ճանապարհորդելուց հետո փախստականների օգնությամբ նա հայտնվեց Պակիստանում: Մակքարին փոխեց իր հագուստը և մորուք աճեցրեց՝ տեղացիներից չառանձնանալու և ընդհատակում մնալու համար: Կարճ ժամանակ անց նա սկսեց լուսաբանել Աֆղանստանի պատերազմը: Սրանք նրա առաջին լուրջ քայլերն էին ֆոտոլրագրության ասպարեզում: Վերջերս Սթիվ Մակքարիի բենեֆիսն էր: Արդեն 30 տարի է, ինչ նա զբաղվում է լուսանկարչությամբ, և ոչ մի վայրկյան չի դադարում զարմացնել մեզ իր տաղանդով: Սթիվը շարունակում է լուսանկարչական բուռն գործունեություն ծավալել և իր ստեղծագործություններով ոգեշնչել աշխարհի տարբեր ծայրերում բնակվող բազմաթիվ մարդկանց:
Դիտեք նաև Մակքարիի դիմանկարների շարքը: