Սթիվ Մակքարին ամերիկացի նշանավոր ֆոտոլրագրող է: Նա իր լուսանկարներում հաճախ է անդրադառնում պատերազմական թեմատիկային: Նա ամենից հայտնի է Աֆղան աղջիկը լուսանկարով: Այս լուսանկարը արվել է Աֆղանստանի պատերազմի ժամանակ և առաջին անգամ հայտնվել է National Geographic ամսագրում: Մակքարին ավարտել է Փենսիլվանիայի համալսարանի թատերարվեստի բաժինը: Նա սկսել է հետաքրքրվել լուսանկարչությամբ այն ժամանակ, երբ լուսանկարների շարք էր պատրաստում The Daily Collegian համալսարանական ամսագրի համար: Այդ ժամանակից ի վեր՝ նա և իր ֆոտոխցիկը անբաժան ընկերներ են դարձել: Իր փայլուն լուսանկարչական աշխատանքների համար Սթիվ Մակքարին արժանացել է Ռոբերտ Կապայի ոսկե մեդալին: Ստորև ներկայացված է Սթիվ Մակքարիի ստեղծած դիմանկարների շարքը:
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print
Տպել
