News.am-ը հաղորդում է, որ այսօր ոստիկանները կանգնեցրել են ՕԵԿ-ական Ռուբեն Մասումյանին (Բենզին Ռուբո) պատկանող 88 ՍԼ 888 համարանիշներով թանկարժեք ջիպը։ Համաձայն շրջանառվող տեղեկությունների, ոստիկանները կանգնեցրել են մեքենան «արագությունը գերազանցելու» համար, սակայն այլ խոսակցությունների համաձայն, սա եղել է նախազգուշացում Բենզին Ռուբոյին։
Բանն այն է, որ հատկապես Հարսնաքարի իրադարձություններից հետո ոստիկանությունը էլ ավելի հետամուտ է եղել, որպեսզի կատարի նախագահի հանձնարարականը, համաձայն որի օլիգարխները իրավունք չունեն թիկնազորի ուղղեկցությամբ շրջագայել, իսկ Բենզին Ռուբոն վերջին շրջանում ցուցադրաբար հենց այդ կերպ էր վարվում։

Մի կողմից ողջունելի է, որ ոստիկանությունը փորձում է սանձել ամենթողությունը, բայց դե մյուս կողմից էլ շատ ճիշտ հարցադրում է անում հենց news.am-ը։ Ասել է թե, թող գնան տեսնեն ամեն օր ինչպիսի թիկնապահների շքերթներ են տեղ գտնում ԱԺ հարևանությամբ. եթե պայքարել, ապա պայքարել երևույթի դեմ, ոչ թե առանձին վերցված ու «դաբռոն» կորցված դեմքերի։

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել