Մերիլ Սթրիփը կդառնա «Անզսպելի գեղեցկուհի»

1in.am-ը գրում է.

Մերիլ Սթրիփին առաջարկել են խաղալ «Անզսպելի գեղեցկուհիները» ֆիլմում (Expendabelles): Այս մասին հայտնում է Deadline-ը՝ հղում կատարելով Ավի Լերների՝ բուլղարական Standart պարբերականին տված հարցացրույցին: 

«Անզսպելի գեղեցկուհիների» մյուս հավակնորդներն են Միլա Յովովիչն ու Քեմերոն Դիասը: Ենթադրվում է, որ ֆիլմի նկարահանումները կանցկացվեն հենց Բուլղարիայում: 

Հայտնի չէ, թե ով կլինի նախագծի ռեժիսորը: Հայտնի չէ նաև ֆիլմի՝ վարձույթ դուրս գալու ժամկետը: 

«Անզսպելի գեղեցկուհիները» ֆիլմը պետք է դառնա «Անզսպելիները» (The Expendables) ֆիլմի կանացի տարբերակը, այսինքն՝ մեծ թվով աստղերի մասնակցությամբ, որոնք ավելի վաղ նկարահանվել են էքշըն-ֆիլմերում: