Արձագանքելով տեսակետին, որ եվրոպացիները տասնյակ միլիոնների հասնող փող են տվել ՔՊ-ական իշխանությանը, որպեսզի վերջինս գեներացնի Հայաստանում հակառաուսական տրամադրություններ, Պապոյան Գևորը չի ընդունել մեղադրանքն ու ասել.«Լա՛վ էլի, ժողովո՛ւրդ, ե՞րբ եք տեսել մեզ հակառուսական տրամադրություն գեներացնելուց: Լա՛վ եք էլի»:
 
Գևորը, փաստորեն, առնվազը հետպատերազմյան ողջ շրջանում իրենց թիմի անդամների ու անձամբ Նիկոլի կողմից հնչեցված ընդգծված հակառուսական հայտարարությունները՝ պատերազմում կրած պարտության, իսկ հետո Արցախի հայաթափման համար ամբողջ պատասխանատվությունը ռուսների վրա բարդելուց՝ ասենք երկիրը պատերզմի մեջ ներքաշելու իրական պատճառների մասին Նիկոլի խոստովանություն չի լսել. շեֆը, մասնավորապես, խոստովանել էր, որ պատերազմի մեջ մեզ ներքաշել էր, որրպեսզի ազատի Հայաստանը ռուսական ֆորտպոստի կարգավիճակից, պարանով ծառից կապվածի ստատուսից:
 
Բացի նմանատիպ հայտարարություններից ՔՊ-ական իշխանությունը, իհարկե, հստակ քայլեր նույնպես արել է ու դեռ անելու է, և զելենսկիի հայաստանյան այցն ու Ուկրաինային ցուցաբերվող առնվազը հոգեբանական աջակցությունը սկիզբն են միայն:
 
Իհարկե, հանուն արդարության պետք է խոստովանել, որ Ռուաստանի անդրկովկասյան տապալված քաղաքականությունը ևս իր դերը խաղացել է՝ Հայաստանում հակառուսական տրամադրությունների աճի առումով, բայց այդ հարցում «կրակի վրա առատորեն յուղ լցնողի» դերում պապոյանգևորներն են հանդես գալիս:
 
Նիկոլի վերջին վերարտադրությունն ունի իր գինը, և այդ գինը ուզի-չուզի վճարելու է Հայաստանը:
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել