Ադրբեջանցի պատգամավոր Ալիզադե Արզուխանը սպառնալիքներ է տեղացել ընդդիմության ու հայ ժողովրդի հասցեին՝ հայտարարելով՝ եթե Նիկոլի Սահմանադրությանը «այո» չասենք, կդադարենք գոյություն ունենալ: «Մինչ օրս հայ հասարակությունը կառավարվել է արմատականների կողմից։ Նրանք ապրել են դատարկ երազանքների, հիվանդ մտածողության, նոր տարածքների ձեռքբերման և ծովից ծով Հայաստանի վրա կառուցված պետականության երազանքով և տեսել են դրա դառը հետևանքները»,-մասնավորապես՝ ասել է Արզուխանը:

Նիկոլն էլ է, չէ՞, նույն բանն ասում ուղղակի գուցե մի փոքր ավելի մեղմ տոնայնությամբ:

Բաքուն հասկանում է, որ իր միակ հենարանը, ապագայի ծաղկուն Ադրբեջանի իրական երաշխիքը Նիկոլի իշխանությունն է, որը, սակայն, հայության համար դարձել է այլևս աչքի փուշ, ուստի պետք է ցանկացած եղանակով պահել ՔՊ-ին, իսկ պատերազմում պարտված ժողովրդի վրա ազդելու ամենաէֆեկտիվ միջոցը սպառնալքիներն են, որ հաճախ հնչում են Բաքվից:

Այնպես որ՝ ՔՊ-ականների ջանքերը՝ զատվելու Ադրբեջանից ու ստեղծելու տպավորություն, թե ոչ թե Ւլհամի հրահանգներն են կատարում, այլ իբր դրսևորւմ են ինքնագլխություն, ադյունք չեն տալու. բոլորն են տեսնում՝ ինչ է կատարվում ու թե Բաքուն կոնկրետ ում համար է «վիզ դնում»:
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել