ՔՊ-ական Կոնջորյան Հայկոն ընդդիմությանը մեղադրել է խալխի մալն իրենով անելու համար: «Հիմա էլ ընդդիմությունը մեզ մեղադրում է, ասում է՝ Արարատը խլում են մեզանից, որովհետև կնիքների վրայից դուրս է գալիս։ Նախ հնարավոր չէ ձեզանից խլել այն, ինչ որ ձերը չի։ Արարատը պատկանում է այլ պետության։ Չի կարելի լինել պետություն ունեցող քաղաքացի և առաջնորդվել պետականազուրկ մարդու մտածողությամբ»,-մանվորապես՝ հոխորտացել է Հայկոն:

Հայկոյի հայտարարությունը չափազանց վտանգավոր ու հայրենաուրաց հայտարարություն է. այն ոչ միայն քաղաքական, այլև արժեքային հարթության վրա է հարվածում հանրային գիտակցությանն ու ապակողմնորոշում: Երբ Հայկոն պնդում է, թե Արարատը պատկանում է այլ պետության, դա ոչ թե պարզապես աշխարհագրական փաստի արձանագրում է, այլև քաղաքական ուղերձ՝ ոչ այնքան ընդդիմությանը կամ հանրությանը, որքան թերևս թուրքերին ու Նիկոլին. երկուսին էլ հասկացնում է, որ պատրաստ է մինչև վերջ ծառայել, եթե կարիերայի աճ գրանցի։

Վերջերս տեղեկություններ են շրջանառվում այն մասին, որ Նիկոլը վերարտադրվելու դեպքում Հայկոյին ԱԺ նախագահ է շինելու: Արդյոք սա չէ՞ պատճառը, որ Հայկոն բացահայտորեն թրքություն է անում՝ Արարատը թուրքինը հռչակելով:

Երբ իշխանության ներկայացուցիչը հայտարարում է, թե Արարատը այլ պետությանն է պատկանում՝ առանց ընդգծելու դրա հոգևոր և մշակութային պատկանելությունը հայ ժողովրդին, նա դրանով վտանգում է հայության ազգային ինքնության հիմքերը, իսկ ազգային ինքնության կորուստը ամենամեծ պետականազրկումն է, որ կարող է տեղի ունենալ որևէ ժողովրդի հետ:
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել