«Berliner Zeitung» թերթին տված հարցազրույցում Իլհամի օգնական Հաջիև Հիքմեթը եվրոպացիներին վստահեցրել է, որ Հայաստանի հետ ռազմական առճակատումը բացառված է, քանի որ այն այժմեական հարց չէ: Միաժամանակ նա հույս է հայտնել, որ Հայաստանը փոփոխություններ կկատարի իր Սահմանադրության մեջ՝ հրաժարվելով Ադրբեջանի նկատմամբ տարածքային պահանջներից: Ուշագրավ է, որ ադրբեջանցին միաժամանակ ցանկություն է հայտնել խաղաղության համաձայնագիր ստորագրել ոչ միայն Հայաստանի կառավարության, այլև հայ ժողովրդի հետ:

Հասկանալի է, որ Ադրբեջանը, որ հիմա հանդես է գալիս խաղաղասերի դերում, իրականում պահը բաց չի թողնի՝ Հայաստանի դեմ ռազմական գործողություններ սկսելու, եթե զգա, որ կարող է մարսել: Հասկանալով, որ այս փուլում դա անել չի կարող՝ ազիկները որոշել են կառուցողական հռետորաբանությամբ աշխարհի «աչքերին թոզ փչել», որ չդիտվեն որպես անզուսպ մարդակերներ:

Առավել էականը, սակայն, Իլհամի օգնականի՝ հայ ժողվորդի հետ խաղաղութան պայմանագիր կնքելու մասին հայտարարությունն է, ինչը վկայում է, որ Բաքվում շատ լավ հասկանում են՝ Նիկոլը հայ ժողովրդին չի ներկայացնում: Բաքվում վախենում են, որ Նիկոլից ազատվելուց հետո հայ ժողովուրդը կարող է իրեն վերագտնել ու վրեժ լուծել: Ադրբեջանի խնդիրն է, որպեսզի հայ ժողովուրդը երբեք ոտքի չկանգնի, և եթե իրականանա Նիկոլի պլանը, այսինքն՝ Կովկասն անցնի Թուրքիային, ապա ամեն ինչ հենց այդպես էլ կլինի: Հիմա Նիկոլի առաջ ծառացած է հետևյալ խնդիրը՝ անել ամեն ինչ, որ իրենից հետո էլ հայ ժողովուրդը ոտքի չկանգնի, ու հենց դա է նաև պատճառը, որ Նիկոլը հալածում է ազգային ինստիտուտները, որ դրանք չդառնան դիմադրության առանցք:
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել